Dilon mein tum apni betabiyaan leke chal rahe ho,

 Toh zinda ho tum.
 Nazar mein khwabon ki bijliyaan leke chal rahe ho,
 Toh zinda ho tum.

 Hawa ke jhonkon ke jaise azad rehna seekho,
 Tum ek dariya ke jaise lehron mein behna seekho;
 Har ek lamhe se tum milo khole apni baahein,
 Har ek pal ik naya samaan dekhein yeh nigaahein.

 Jo apni aankhon mein hairaniyaan leke chal rahe ho,
 Toh zinda ho tum.
 Dilon mein tum apni betabiyaan leke chal rahe ho,
 Toh zinda ho tum.

-Javed Akhtar, Zindagi Na Milegi Dobara

P.S. Surekha Bhanot Ma'am recited it in the second semester MB farewell for the batch of 2008